10/22/07

Mihring tan a hun ruat.

Mitthi in a thu sawi thin ten "Pathianin kan chunga A hun ruat, chu mi kha mi thih ni ah hian........." ti a an sawi kan hre fo awm e. Pastor leh upa te pawh an bang bik lo. Thuhriltu bung 3-ah chuan engkim tan hian hun ruat a awm.......tih kan hmu. Mahse kan bih chian chuan thil hlawm entir nan pian te, thih te, nuih te, tah te, etc a sawina niin a lang.
Thupuiah lut dawn ila; Thanga chu kum 24 mi niin zu sehin ni 12.10.07 khan a boral a. Pastor Khuma kum 98 chu thawhah natnain rei tak a tih buai hnuah, hrehawm leh natna awm tawh lohna Lalpa hnenah thlamuang tak in vawin 12.10.07 hian a chawl ta. Thanga hi a pian tirh atangin Pathianin kum 24 mi niin ni 12.10.07 ah zu sehin thi sela, Khuma chu pastor tha tak lo niin a kum 98 na ni 12.10.07 ah thawhah natna in ka hnenah ka hruai ang A ti ang em? Lo ti ta nise Pathian a biak tlak a ni ang em? Tunlai politician, chhung khat leh party member thlei bik nei ho aiin a lem chuang dawn em ni. Pathian ringtu leh neitu piangthar tawh tan chuan "ka chung a thil thleng zawng zawng hi keimahin ka tuar lo, min hmangaih a ka thatna tur a engkim min thawh sak thin tu Pathianin engkim min hriat pui" tihah hian duh tawk mai ila.

6 comments:

avena said...

ka dil loh zawk malsawmna, ka chungah Lalpa'n mi vur a; ti thei thinlung hi aw!

Unknown said...

Kei poh ka ngaih dan chiah.Mipui hma a thusawi phei hi chuan tawng hi fimkhur a ngai khop a nia.

faka said...

Ka lo tel ve lawk... Hemi cc hi i ziak tih avena hnen atangin ka lo hria a. He thil hi ruatlawk thurin nena inkaih hnawih tlat niin ka hria. Ka blog-ah pawh kan chai nual asin.

Thihna hi keimahni dai buak ve hrim2 avanga lo thleng tam tak a awm a, 'vanduai' ve hrim2 avanga lo thleng a awm thei bawk niin a lang a. Engpawhnise, engkim hretu (omniscient) Pathianin hun a tih takah a seng ta a ni, ti thei ta i la a hahdamthlak mai lo'ng maw? Pathian rorel dan kalhin engmah a thleng dawn si lo va.

Presbyterian bulpui Calvina phei kha chu Pathianin chhandam tur leh boral tur pawh a ruat lawk vek (double predestination)ring tu a ni a. Rev.Z.T Sangkhuma phei chuan, "Mizoram Presbyterian Kohhran hian he thurin hi a ngaihthah lutuk a ni," a ti asin! Pawm dan leh ngaihdan a tam thei dawn khawp mai.

rotlingpa said...

@mafaka..... ti lomom e
Israel ho pawh kha Kanan an luh dawn pawh khan "in hmaah anchhia leh malsawmna ka dah---eng zawk nge in thlan dawn" tiin duhthlanna a pe a ni lom ni. Nia, Eng(light) aia chak a kan thloh chuan mihring hun bi chhiar dan hian awmzia a nei toh lo,tih khawvel thiamna pawn a chhutchhuak (E=MC2).Pathian chatuan remruat, hun bi awm tawh lohna-ah thi turin kan piang a ni,ti ila pawm a nuam deuh ang em?

avena said...

Lal Isua teh khin thu ah khan, chhiahhlawh pathum te kha 'talent' in zah vek pek an nih kha maw le!

a then in an ti pung a , a then in an kawl tha ringawt zawk ava ni awm em.!

rotlingpa said...

@avena
Nia, Luka hi chuan chhiahhloh 10 hnenah rangkachak tangka sawm teuh ramawptu hian a pe niin a ziak.

Matthaia chuan in neitupain a bawi 3 hnenah talent 5, talent 2 leh talent 1 tein a kawl hran tir thliah niin a sawi thung. Tirhkoh Paula pawh khan Korinth ho hnenah thlarau thilpek hrang2 (finna, hriatna, thu hrilh theihna etc) a awm thu leh Tlarau erawh chu hmunkhat a nih zia a sawi. Kan taksa peng tam tak nei mahse pumkhat ni si ang hian.