Tawngtai tawp kan khar dan hi eng zawk nge dik hriat thiam a har deuh chuan ka hria. A thenin "Chung zawng zawng chu I fapa Isua Krista hmingin ka dil A che" an ti a, thenkhat chuan "I fapa Isua Krista hmingin ka dil e" an ti bawk a. A che ti a kan tawp hi chuan Pa kan dilna niin a lang a, dil e tih chuan Pathian (Pa leh fapa leh thlarau thianghlim) dilna niin a lang. Pathian pakhat a mi nung pathum awm ringtu chuan an pathum hian kan address tur a ni zawk ang em? Isuan ka hming a in dil a piang Pa in a hlawhtlin tir ang che u, a tih miau avangin Pa kan dil zawk tur a lawm, kan ti zawk. Kristian Tlangau magazine-ah he thu hi zawh a ni tawh a. Editor ngaihdanah chuan dil e tih hi a buk a rit zawk. He zawhna bawk hi Rev. Chuauthuama ka zawh chuan a inngaihtuah vung vung a, ka la ngaihtuah ngai loh lam a nia tiin min chhang. He mi ni sunday chawhnu inkhawm chu chair atangin Pu Chuauthuma'n dil e tiin inkhawmna a hlan. A eng zawk nge dik, nge an dik ve ve?Tin, mipui aiawh a tawngtai kan nih hian ka tih ai chuan kan tih hman hi a mawi zawk chuan ka hria. Lawmthu sawi chungin ka dil e, kan ti deuh duah pawh hi a chuang liam deuh em? I thenawm hnenah cheng 500 lawmthu sawi chungin ka lo puk, kan ti ngai lo a ni lawm ni? Darthlalang a inhmu ang ruai kan la ni rih si a, famkimna hmunah Awma kan la zawt tlang dawn nia.
7 comments:
I lo va dilchhut ve!!! :) Keima tawngtai tawp dan pawh ka hrechiang bik lo, mahse rinna nen a tawngtai chu Pathian chuan a chhang tho lo'ng mo, te ka ti. Bible a inziah awm ka hre ve si lova, 'Rule book for prayers' tih poh chhuah se mimal ngaihdan a nih mai ka ring kei chu.
Public a tawngtai hi chuan, Pathian hnen a tawngtai aia midang impress tum chu a awm ve thei maithei. Mahse nun a lang lo lutuk in a mawihnai lutuk a, mittui nen a an han chham duah hi chuan kei misual hi chu ka lo tui lo thin :P
ani khawp mai! chham duah leh tawngkam thiam hian Lalpa hi kan tih lawm ka ring lo thin! thinlung chhungril ber hre tu ani miau a.
chutiang zel in , tawngtaina a bible thu kan chham chhuak teuh te hi, pathian zawk hi pathian thu kan hrilh let nek ni te hian ka hre ve thin!
Hetia kan ngawih reng chuan Lal hremna chu kan pum pelh bik dawn em ni? Sual thupha chawiin i tawng tai rual teh ang u hmiang.
Ummm bei tha thei phian mai, a lawmawm thin e.
Kum za chuang zet kristian sakhua a hnampum anga kan zui tawh hnuah pawh Kristian Hla bu chhutsual a, Lal tawngtaina "Sual tura thlemnaah min hruai lut ang che" tih kha kan sawisel vak em ni kha?
Tihian ka ngaihtuah "Aw Lalpa, hei kum 100 chuang erh awrh i hruaina hnuaiah kan awmta, chuvangin sualna tur a thlemnaah te hian min hruai lut la, i chakna hmangin chhuah dan kan zir ange"tiin tawngtai hi kan hun tawh em?Nau sawngnawi nuin a buaipui ngai reng ang mai hi kan la ni em? tih te mai hi
@amuana....
A dik khop mai.Hebrai a inziah dan angin buhhop ni lo chaw rum eitur chu kan ni toh chuan ka hre ve thin zofa te hi.Mahse kalvari tlang hmangaihna hi kan kal pel thei lo zawng a ni, mahniin thlalerah setana thlem turin kan kal peih meuh lo hlom chu a ni e.
Zoramah zung leh huau2 toh mi a?
Post a Comment