Zir mite chuan Isua kha 6-5 BC vel a piang niin an ngai. Hetih hun lai hian Israel ram chu Rom ho rorelna hnuaiah an awm a. An thil deh chhuah sawm a pakhat biak in a an hlan bakah Rom hoin chhiah an khawn nasa a. Mipui an retheiin leiba an ngah a, an hrehawmna leh harsatna lak a chhanchhuaktu tur Messia an nghakhlel hle a ni. Messia (Messiah) tih hi Hebrai tawng 'Mashiah' tih atanga lak a ni a, 'hriakthih' (anointed) tihna a ni. Greek tawng chuan Christo a ni a, sap hoin Christ tiin an la chhawng a, Mizo-in Krista kan ti.Messia chu Davida te ang a lal ropui leh chak tak, Rom sorkar atanga tharum hmang a zalenna sual chhuak tur niin an ngai; zirtir Petera pawh kha he ngaihdan pawmtu niin an sawi. A thenin zawlnei ropui Israel leh Rom mipui te hlemhletna leh suahsualna lak atanga chhanchhuaktu tur niin an ring bawk.
Isua pian hma hian Messia ni a inchhal an awm nual a. Chung zingah chuan Simon-a (Heroda tirhkah) leh Athronges-a te hi thawm nei na zual an ni awm e. Pathian tel lo a Messia hmuah chu nghah sual awl tak a ni ngei ang.
Isuan pian nan a thlan Mari chu nula thianghlim leh Pathianin a ngaihsak/duhsak (found favor with God) a ni. Josefa nupui hual a nih tawh vangin mi dang lak a fa a pai chuan uire, lung a den hlum tur a ni tih Mari hian duhthlanna a siam lai hian a hre chiang hle awm e. Mahse rinnain, engkim huamin “Ngai teh, Lalpa bawinu ka ni, i thu ang zelin ka chungah thleng rawh se”, a ti ngam.
Isu,vawiinah hian kan thinlung bawng inah,
Lo piang thar leh la, Nang kan chatuan Lal turin;
Kan kut riang hi i chun Mari kut chantir la,
Chatuanin kan lawmin kan hlim kumkhua tawh ang.
12 comments:
'Bethlehem' a nau lo piang hi, a nu leh pa ropui leh fing a hriat ni lo mahse; hetiang em em a khawvel rawn hneh tu hi chu pathian anihna a ti lang chiang ani; kan sual tlan na tur a lei a lo kal hi a van ropui tak em!!
i hla rawn pho lan hi a thunawn erawh ngaihtuah in a inhmeh lo tih theih lai a awm.
chang dang ah;
'Lal herodan a hriat in a mangan pui a
mifingte a rawn der a chibai buk tum in,
a phei sen ral a khawm judai ram vel ami
chibai bukna rapthlak pek tum in an chhuak ta;
tiin kan zai zo chiah a, heroda nunrawng teh reng nen a thunawn kan han sa a,
'i hlim ang i lawm ang' tiin kan han sak zawm a. 'chibai bukna rapthlak pek tum in an chhuak ta' tih zawm nan a ' i hlim ang i lawm ang' han tih hi chu a inhmeh lo ve deuh chuan a hriat, her rem dan awm se la a hahdamthlak zawk ang a!
'Khawvelah hian lal tam tak an lo piang ta a' Pu R.L.Kamlala hla hi nia, keipoh vai film nen inanna nei deuh chuan ka hria. Insual(war), love story, fiamthu leh character dang te hi film khatah an chang kop vek zel.
Lal Heroda (King Heroda 37-4 BC), khawchhak mifing te zarah Lal lo piang tur a hre ve a, Bethlehem naupang a suat vak hi chu hlim leh lawmpui vak chi ni chuan a lang lo.
A mah thlaktu, Heroda (Antipas 4 BC-39 AD)an Baptistu Johana lu a tan sak nen khan duli an nih loh pawn siki thum ve2 tal chu an nih ka ring.
Kei chu ka sawi tlawr duah peih loh dawhthlak zan (24 Dec) ah leh Massi ni tak khan a pianna hmunah bur chut ila a tawk mai ka lo ti mai a sin
@amuana
Hehe........
Pa hun tiam a thleng ta e,
Nu tan lawmna a ni.
Hmangaihna a luan tir dawn,
Ek In ram bulah....tih hla phuah chhuaktu kha i ni chiang mai.
taksa bethlehem khaw lam ah zin a zuk kal lam aiin..thinlung lam ni ta zawk se la!
Thinlung mai ni loin a pianna tak zawkah bur chat ila tha lo mo?
rotlingpa te zawng kan va tluk ta lo em!!!!Keini tih tur neih loh vanga hreh tak chunga kan mut laiin, a ni zawng tih tur neih vangin phur takin a mu ta zan reng mai sia
A ngaihnawm hle mai. Thu leh hla a tha thin e..Kudos
@puia
Ti lawm awm e.
@amuan
Tlangval luk, nei hlei lo nghei chuang silo hi a nuam in ka ring zawk a sin hehe.
Thuziak thar kan lo ngaichang e..:)
@puia
Thupui fun tha nelh nawlh han thawh tur vang khop mai. ..
Post a Comment